Qazaqstanda 41 bala Kavasakı tárizdi sındromǵa shaldyqty

NUR-SULTAN. QazAqparat – Qazaqstanda 41 bala Kavasakıge uqsas sındromǵa shaldyqty. Bul týraly QR Densaýlyq saqtaý vıtse-mınıstri Ajar Ǵınııat málim etti, dep habarlaıdy QazAqparat tilshisi.

Budan buryn habarlanǵandaı, Almaty men Nur-Sultanda mýltıjúıeli qabyný sındromynan eki bala kóz jumdy.

«Qaıtys bolǵan balalarǵa toqtalsaq, onyń biri 15 jasta edi. Ol júıeli qyzyl jegimen aýyrdy. Bul aýrý aǵzany júıeli túrde zaqymdaıdy. Balanyń qanynda koronavırýs antıdeneleri anyqtaldy. Ekinshi bala 2,5 jasta boldy. Ol trombozben aýrýhanǵa tústi. Sábıdiń qan analızinde koronavırýs ınfektsııasy tirkeldi», - dedi A. Ǵınııat Ortalyq kommýnıkatsııalar qyzmetinde.

Vedomstvo málimetinshe, Kavasakı tárizdi sındromǵa shaldyǵýdyń birinshi jaǵdaıy 29 shildede tirkelgen.

«Shilde aıynan bastap aýyrǵan barlyq balalarǵa qatysty monıtorıng júrgizilýde. Búginde balalar arasynda 41 jaǵdaı tirkeldi», - dedi vıtse-mınıstr.