Qazaqstanda 400 myńnan astam adam qant dıabetimen aýyrady

9 qarashada Dúnıejúzilik qant dıabetimen kúres kúni qarsańynda Qazaqstandaǵy aýrý taqyrybyna arnalǵan ulttyq baspasóz konferentsııasy ótedi, dep habarlaıdy Kazinform.

Jyl saıyn 14 qarashada Dúnıejúzilik qant dıabetimen kúres kúni – ınsýlınniń negizgi ashýshylarynyń biri, Nobel syılyǵynyń laýreaty Frederık Bantıng dúnıege kelgen kúni atap ótiledi.

"Halyqaralyq dıabet federatsııasynyń (IDF) derekteri boıynsha álemde shamamen 537 mıllıon adam qant dıabetimen aýyrady. Qazaqstanda birinshi jáne ekinshi tıptegi qant dıabetimen aýyratyn 400 myńnan astam patsıent bar, olar jylyna 18 myńnan 30 myńǵa deıin jańa aýrýǵa shaldyǵady. Qazaqstan men álem boıynsha epıdemıologııalyq derekter syrqattanýshylyq aýyrtpalyǵynyń turaqty óskenin jáne patsıentter sanynyń artqanyn aıǵaqtaıdy", - dep jazdy densaýlyq saqtaý mınıstrliginen.

Aıta keteıik, konferentsııanyń maqsaty - Qazaqstan Respýblıkasy halqynyń qant dıabeti týraly habardarlyǵyn arttyrý.