Qazaqstanda 40 táýlikke terrorıstik qaýiptiliktiń birqalypty «sary» deńgeıi belgilendi
ASTANA. QazAqparat - Jaǵdaıdy eskere otyra QR UQK tóraǵasy general-leıtenant V.Z. Jumaqanov el aýmaǵynda 40 táýlikke terrorıstik qaýiptiliktiń birqalypty «sary» deńgeıi belgilegenin QR Ulttyq qaýipsizdik komıteti habarlady.
«QR Prezıdentiniń Jarlyǵymen bekitilgen Memlekettik aqparattar monıtorıngi júıesi men terrorlyq akt qaýpiniń týýy týraly turǵyndarǵa habarlaýdyń memlekettik júıeniń uıymdastyrylýy men isteýi erejesiniń 4 taraýyna sáıkes Almaty, Aqmola, Aqtóbe, Atyraý, Shyǵys Qazaqstan, Batys Qazaqstan, Jambyl, Qaraǵandy, Qyzylorda, Qostanaı, Mańǵystaý, Pavlodar, Soltústik Qazaqstan jáne Ońtústik Qazaqstan oblystarynda, Astana jáne Almaty qalalarynda 40 táýlikke terrorıstik qaýiptiliktiń birqalypty «sary» deńgeıi belgilengen», - dep habarlady QR UQK.
