Qazaqstanda 40 gradýs aıaz bolady – Qazgıdromet

ASTANA. KAZINFORM – Elimizge arktıkalyq sýyqtyń túsýi jalǵasýda, aldaǵy úsh kúnde respýblıka boıynsha temperatýranyń odan ári tómendeýi kútilip otyr. Bul týraly Kazinform «Qazgıdromet» RMK-ǵa silteme jasap habarlaıdy.

23-24 qańtarda Soltústik-batys tsıklonynyń áserinen eldiń shyǵys jáne ońtústik-shyǵys aımaqtarynda qar jaýady. Al qalǵan aýmaqta jaýyn-shashynsyz aýa-raıy bolady. Respýblıka boıynsha boran, kóktaıǵaq, tuman, ekpindi jel kútiledi.

Elimizdiń soltústik jartysyndaǵy aýa temperatýrasy túnde 20-30 gradýs aıaz, jekelegen aýdandarda qatty aıaz - 35 gradýs bolady dep boljanyp otyr. Kúndiz 13-20 gradýs aıaz, eldiń ortalyǵy men shyǵysynda 20-35, jekelegen óńirlerde 40 gradýs qatty aıaz, ońtústikte túnde 15-25 gradýs, jekelegen aýdandarda 28 gradýs qatty aıaz, kúndiz 5-15 gradýs aıaz bolýy yqtımal. 

Eske sala keteıik, buǵan deıin 5 oblysta aýa raıynyń qolaısyzdyǵyna baılanysty mektep oqýshylary onlaın oqytýǵa kóshkenin habarlaǵan edik.