Qazaqstanda 4 nemese odan kóp balasy bar otbasylardyń sany 6%-dy quraıdy - S.Jaqypova

ASTANA. QazAqparat - Qazaqstan boıynsha úsh balasy bar otbasylardyń úlesi - 9,5%-dy, al, tórt jəne odan da kóp balasy bar otbasylardyń sany nebary 6%-dy quraıdy eken. Bul týraly búgin Ortalyq kommýnıkatsııalar qyzmetinde ótken brıfıngte Densaýlyq saqtaý jəne əleýmettik damý vıtse-mınıstri Svetlana Jaqypova məlim etti.

«2015-2020 jyldarǵa arnalǵan Qazaqstan Respýblıkasyndaǵy otbasylyq qatynastardy, morldyq-etıkalyq jəne rýhanı qundylyqtardy nyǵaıtýdyń jalpyulttyq is-sharalar josparyn jańǵyrtý» taqyrybynda ótken brıfıngte vıtse-mınıstr eń aldymen úlgili otbasynyń portretin nasıhattaý kerek ekenin aıtty. «Qazaqstanda 4 mıllıonnan astam otbasy bar, bul otbasylar 5 mıllıonnan astam bala tərbıelep otyr. Elimiz boıynsha bir balasy bar otbasylardyń úlesi 27%-dy, eki balasy bar otbasylardyń sany - 20,6%-dy, úsh balasy bar úılerdiń sany - 9,5%-dy, al, tórt nemese odan da kóp bala ósirip otyrǵan otbasylardyń úlesi - 6%-dy quraıdy»,-dedi vıtse-mınıstr.