Qazaqstanda 4 myńnan astam jeke jáne zańdy tulǵa memlekettik satyp alýlarǵa ádiletsiz qatysqan
ASTANA. 19 shilde. QazAqparat - Memlekettik satyp alýlar salasynda qyzmet pen taýar jetkizýshi 4408 jeke jáne zańdy tulǵanyń jumysy ádiletsiz dep tanyldy. Sot sheshimi boıynsha olarǵa memlekettik satyp alýlarǵa qatysýǵa tyıym salyndy.
«Elektrondyq kommertsııa ortalyǵy» JShS baspasóz ortalyǵy taratqan málimetke sáıkes, ondaı kompanııalardyń basym bóligi - 666-sy Astana qalasynda anyqtaldy. Odan keıin Ońtústik Qazaqstan oblysy (629), Almaty qalasy (525), Qaraǵandy oblysy (392), Almaty oblysy (285), Shyǵys Qazaqstan oblysy (284), Qyzylorda oblysy (205), Qostanaı oblysy (196), Aqtóbe oblysy (190), Jambyl oblysy (190), Pavlodar oblysy (189), Batys Qazaqstan oblysy (184), Mańǵystaý oblysy (152), Soltústik Qazaqstan oblysy (134), Aqmola oblysy (125) jáne Atyraý oblysy (62) keledi. Jalpy sany - 4408.
«Elektrondyq kommertsııa ortalyǵy» JShS basqarma tóraǵasy Sultanjan Ahmetovtiń aıtýynsha, endi arnaıy tizim jasalǵannan keıin ádiletsiz qyzmet pen taýar jetkizýshileri www.goszakup.gov.kz portalyndaǵy memlekettik satyp alýlarǵa qatysa almaıdy.
