Qazaqstanda 4 qarashada ótetin mańyzdy sharalar ańdatpasy

NUR-SULTAN

Saǵat 10.00-de ótetin Májilistiń jalpy otyrysy www.parlam.kz saıtynda onlaın rejıminde kórsetiledi.

Saǵat 11.00-de Qabanbaı batyr kóshesi 14, 7-shi keńsede úgit-nasıhat jumystaryn júrgizý jónindegi qazirgi zańnamany saqtaý máseleleri boıynsha oqý semınary uıymdastyrylady.

Saǵat 12.00-de Elbasy kitaphanasynyń jańa murajaı ǵımaratynda QR Tuńǵysh Prezıdenti – Elbasy kitaphanasy men QR Bilim jáne ǵylym mınıstrliginiń ózara yntymaqtastyq týraly memorandýmǵa qol qoıý sharasy ótedi. Іs-shara barysynda «Qazaqstan Respýblıkasynyń Tuńǵysh Prezıdenti –Elbasy N.Á. Nazarbaevtyń álemniń jetekshi ýnıversıtetterindegi dáristeri» atty kitaptyń baspa jáne elektrondy formattaǵy tusaýkeseri bolady.

Saǵat 15.00-de Nur-Sultan qalasynyń máslıhatynda «Nur-Sultan qalasynyń 2021-2023 jyldardaǵy bıýdjetiniń jobasy» qaralady.

Saǵat 16.30 -da QR Prezıdenti janyndaǵy Ortalyq kommýnıkatsııalar qyzmetinde «Pandemııa kezinde ana men bala densaýlyǵyn qorǵaý» taqyrybynda baspasóz konferentsııasy ótedi. Spıkerler: QR densaýlyq saqtaý vıtse-mınıstri Ajar Ǵınııat, QR DSM sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova, Pedıatrııa jáne balalar hırýrgııasy ǵylymı ortalyǵynyń basqarma tóraǵasy, QR DSM shtattan tys bas pedıatry Rıza Boranbaeva, akýsherlik, Gınekologııa jáne perınatologııa ǵylymı ortalyǵynyń basqarma tóraǵasy Dınara Myrzahmetova.

Saǵat 17.30-da «Astana Operada» «Abaı» operasyndaǵy beıneler» kórmesi ashylady. Abaıdyń 175 jyldyǵyna oraı «Bir jerde birge júrseń basyń qosyp...» kontserti aıasynda spıkerler sóz sóıleıdi.

ALMATY

Saǵat 16.00-de áleýmettik ál-aýqattylyq máseleleri jónindegi №4 komıssııasynyń keńeıtilgen otyrysy ótedi. Onda Almaty qalasynyń áleýmettik ál-aýqaty týraly esep tyńdalady. Sóz sóıleıtin spıker: Almaty qalasynyń áleýmettik ál-aýqat basqarmasynyń basshysy Rahat Shımashaeva.