Qazaqstanda 4 aıda koronavırýs pen pnevmonııadan 150 myń adam emdeldi
«Naýryz-maýsym aılarynda elimizdiń statsıonarlarynda 150 myń adam koronavırýs pen pnevmonııadan emdeldi. Naýryz aıyna qaraǵanda, maýsymda bir kúndik tósek-oryndarmen naýqastardyń qamtylýy – 8 esege, juqpaly aýrýlar aýrýhanasyndaǵy tósek-orynnyń qamtylýy – 23 esege óskenin atap ótken jón. Sondaı-aq, provızorlyq statsıonarlarda bir kúndik tósek-oryn sany naýryz aıynda 21 myń bolsa, qazir 100 myńnan asty», - dedi spıker Ortalyq kommýnıkatsııalar qyzmetinde ótken onlaın-brıfıngte.
Atalǵan qor qazaqstandyqtarǵa medıtsınalyq kómek kórsetý sapasyn jaqsartý úshin shilde aıynda medıtsınalyq uıymdarǵa arnalǵan tarıfterdi arttyrǵan.
«Endi provızorlyq statsıonarda árbir tósek-oryn kúni úshin – 22 myń teńgeden astam, táýlik boıǵy statsıonarlarda bolǵany úshin – 32 myń teńgeden astam, naýqasty anestezıologııa, reanımatsııa jáne qarqyndy terapııa bólimshesinde emdeýdegi tósek-oryn kúni úshin – 70 myń teńgeden astam qarajat qor tarapynan óteledi. Atalǵan qyzmetterge tarıfti kóterý qor jetkizýshileriniń sanyn kóbeıtýge, jeke aýrýhanalardy belsendi tartýǵa jáne koronavırýstyq pnevmonııasy bar naýqastardy emdeýge múmkindik beredi», - dedi qor basshysy.
Buǵan deıin Bolat Tókejanov koronavırýsqa qarsy kúres sharalaryna 56,7 mlrd teńge bólingenin aıtty.
Sonymen birge, koronavırýstyq ınfektsııanyń jeńil deńgeıindegi bir naýqasqa – 292 600 teńge, ortasha deńgeıdegi naýqasqa – 446 100 teńge, aýyr naýqasty emdeýge – 1,5 mln teńge tarıf bekitilgen.