Qazaqstanda 4 aqpan kúni ótetin mańyzdy sharalar
ASTANA. QazAqparat - «QazAqparat» Halyqaralyq aqparat agenttigi Qazaqstanda 4 aqpan kúni ótetin mańyzdy is-sharalarǵa sholýdy usynady.
ASTANA
Saǵat 15.00-de Astana qalasynyń №2 kópsalalyq aýrýhanasynda Qazaqstandaǵy alǵashqy katamnez bólimshesi ashylady. Tegin negizde qyzmet kórsetetin bólimshe shala týǵan, salmaǵy az, sondaı-aq merziminen buryn týǵan patologııasy bar shaqalaqtarǵa arnalǵan.
Saǵat 15.00-de Nursultan Nazarbaev Halyqaralyq áýejaıynda (1-termınal) kommertsııalyq jáne óndiristik obektilerdi, úlken keńistikterdi tazalaýǵa arnalǵan avtonomdy tazalaǵysh robottyń tanystyrylymy ótedi.
ALMATY
Saǵat 11.00-de «Interfaks-Qazaqstan» baspasóz ortalyǵynda Dúnıejúzilik rakqa qarsy kúres kúnine oraı baspasóz máslıhaty ótedi. Oǵan QR Densaýlyq saqtaý mınıstrliginiń bas onkology, «Qazaq onkologııa jáne radıologııa ǵylymı-zertteý ınstıtýtynyń» basqarma basshysy, medıtsına ǵylymynyń doktory Dılıara Qaıdarova jáne taǵy basqalary qatysady.
Saǵat 14.00-de Qazaqstan Baspasóz-ortalyǵynda «Keden jáne bıznes: monologtan dıalogqa qadam» taqyrybynda baspasóz máslıhaty ótedi. «Nur joly» Keden jáne logıstıka jónindegi ýákiletti ekonomıkalyq operatorlar odaǵynyń ókilderi QR Qarjy mınıstrliginiń Memlekettik kirister departamentimen birlesip ótkizilgen reıdter jóninde aıtyp beredi.
