Qazaqstanda 4 955,2 myń jeńil avtokólik bar
ASTANA. QazAqparat - QR Ulttyq ekonomıka mınıstrligi Statıstıka komıtetiniń málimetine qaraǵanda, 2015 jylǵy 1 qazandaǵy jaǵdaı boıynsha Qazaqstandaǵy qolda bar jeńil avtokóliktiń sany 4 955,2 myń birlikti qurady.
Komıtettiń baspasóz qyzmeti taratqan málimetterine qaraǵanda, 2015 jylǵy qańtar-qyrkúıekte elimizde 692 631 jeńil avtomobıl tirkeldi. Bul kórsetkish ótken jylǵy tıisti kezeńmen salystyrǵanda 22,5 paıyzǵa joǵary. Sonyń ishinde, esepti kezeńde tirkeýge alynǵan avtokólikterdiń eń kóp sany Ońtústik Qazaqstan oblysyna tıesili, onda ótken toǵyz aıda 86 990 kólik tirkelgen. Odan keıingi orynda Almaty qalasynda 85 myń 218 kólik, Almaty oblysy - 82 myń 99 kólik tirkelgen. Al osy kezeń ishinde Astana qalasynda tirkelgen kólik sany 60 019 birlikti qurady. Esepti kezeńde avtokólikter eń az tirkelgen aımaq - Qyzylorda oblysy, onda 18 292 kólik tirkelipti.
