Qazaqstanda 4,5 mln astam jeńil avtokólik bar
ASTANA. QazAqparat - 2015 jylǵy qańtarda-mamyr aralyǵynda Qazaqstan Respýblıkasynda 357 690 jeńil avtomobıl tirkelgen. Bul týraly Ulttyq ekonomıka mınıstrligi Statıstıka komıtetiniń baspasóz qyzmetinen habarlandy.
«2015 jylǵy qańtar-mamyrda respýblıkada 357 690 jeńil avtomobıl tirkelgen, bul ótken jylǵy tıisti kezeńmen salystyrǵanda 68,7 paıyzǵa joǵary. Al 2015 jylǵy 1 maýsymdaǵy jaǵdaı boıynsha jeńil avtokóliktiń qolda bary 4 mln. 554,7 myń birlikti qurap otyr», - delingen baspasóz baıanynda.
Keltirilgen málimetterdi qaraǵanda, aǵymdaǵy jyldyń bes aıynda eń kóp jeńil avtokólikter Almaty qalasynda tirkelgen - 41 821 birlik, budan keıingi orynda - Ońtústik Qazaqstan oblysy - 41 376 jáne Almaty oblysy - 39 715 birlikti qurady.
