Qazaqstanda 388 mektep fılıaly zańsyz jumys istep kelgen
ASTANA. 11 qazan. QazAqparat - Búgin QR Bilim jáne ǵylym mınıstrligine qarasty oblystyq qurylymdardyń qatysýymen ótken respýblıkalyq keńeste vıtse-mınıstr Mahmetǵalı Sarybekov otandyq bilim berý salasyndaǵy zań buzýshylyqtar týraly aıtyp berdi.
Onyń málimeti boıynsha, osy ýaqytqa deıin elimizde bilim berý qyzmetin zańsyz atqarǵan 388 mektep fılıaly anyqtaldy. Olarda tıisti kýálik te bolmaǵan. Oǵan qaramastan, ondaı mekemeler jeke-dara zańdy tulǵa retinde tirkelip turǵan. «Jalpy, Qazaqstanda 6 145 muǵalimniń múldem basqa pánder boıynsha dáris bergenderi anyqtaldy. Qazirgi kezde olarǵa tıisti bilim berilip jatyr. Mektepterdi kompıýterlik tehnıkamen qamtamasyz etýdiń resmı statıstıkasy qate bolyp shyqty. Bylaısha aıtqanda, esep pen naqty jumystyń arasynda biraz aıyrmashylyq boldy. Osynyń saldarynan jergilikti bıýdjetterge qosymsha qarajat aýdarýǵa týra keldi», - deıdi M.Sarybekov.
