Qazaqstanda 376 jedel járdem avtomobıli shyǵaryldy

NUR-SULTAN. QazAqparat – QR Indýstrııa jáne ınfraqurylymdyq damý mınıstri Beıbit Atamqulov Jedel járdem avtomobılderin óndirý kórsetkishterin aıtyp berdi, dep habarlaıdy QazAqparat tilshisi.

«Qazaqstan zaýyttarynda 376 jedel járdem avtomobıli shyǵaryldy, onyń 220-sy el óńirlerine jetkizildi (Almaty – 35, Nur-Sultan – 14, BQO – 20, Aqmola – 30, SQO – 18 , Qostanaı – 26, Aqtóbe – 19, Atyraý – 22, Pavlodar – 16, Mańǵystaý – 20), Qazrigi ýaqytta qalǵan 156 kólik jiberildi», - dedi mınıstr Úkimettiń búgingi otyrysynda.

Atalǵan baǵdarlama aıasynda 5 qarashaǵa deıin 1 167 dana sanıtarlyq kólik jetkiziledi.

Sonymen birge, 63 dana jyljymaly medıtsınalyq keshen daıyndalǵan.

«Búginde 45 dana medıtsınalyq kesheni jóneltildi, onyń

25 danasy óńirlerge jetkizildi. Qalǵan 18 keshen erteń jóneltiledi. Onyń 37 danasy áli óndiriste jáne 23 qazanǵa deıin paıdalanýǵa beriledi», - deıdi B. Atamqulov.

Rentgen apparattaryn satyp alýǵa qatysty, jergilikti atqarýshy organdar «Aqtóberentgen» aktsıonerlik qoǵamymen 49 dana rentgen apparattaryn óndirý týraly kelisimshart bekitken.

«Alǵashqy 12 apparat 9 qazanda Aqtóbe qalasyna jetkizildi. Qalǵan 37 apparat 30 qazanǵa deıin jiberiledi. Bul apparattar Túrkistan, Aqmola, Almaty, Pavlodar, Jambyl, Batys Qazaqstan, Qostanaı, Aqtóbe oblystaryna barady», - dedi mınıstr.