Qazaqstanda 3700 bilim uıasynda balalar mektepke baryp oqyp júr

NUR-SULTAN. QazAqparat - QR Bilim jáne ǵylym mınıstrligi qazaqstandyq mektepter qalaı oqytyp jatqanyn aıtyp berdi, dep habarlaıdy QazAqparat.

Qazaqstanda 7 myńǵa jýyq mektep bar, onyń 3700-den astamy karantın jaǵdaıynda dástúrli formatta jumys istep, barlyq synyp oqýshysyn mektep qabyrǵasynda oqytyp jatyr.

Qalǵan mektepterde sanıtarlyq dárigerlerdiń talaby boıynsha oqytý aralas formatta júrgiziledi: ata-analardyń ótinishi boıynsha mektepaldy, bastaýysh jáne 5-synyp oqýshylary kezekshi synypta oqı alady.

Biraq ár óńir boıynsha naqty sheshimdi jergilikti sanıtar dárigerler qabyldap, ruqsat beredi.

Eger bala kezekshi synypta oqıtyn bolsa, onda barlyq tapsyrma burynǵydaı qalypty formatta beriledi. ıAǵnı, bala synypta oqıdy, al úı tapsyrmasyn úıde oqýlyq boıynsha oryndaıdy.

Qosymsha resýrs retinde qoljetimdi bilim platformalaryndaǵy kontentti qalaı paıdalaný kerektigin ár muǵalim ózi tańdaıdy. Degenmen úı tapsyrmasynyń kólemi bekitilgen normadan tym kóp bolmaýy qajet.

Bilim mınıstrligi belgili bir platformany paıdalaný boıynsha talap qoımaıdy. Bilim platformasyn mektep ákimshiligi ózi tańdaıdy.