Qazaqstanda 3,7 mln tonna munaı ónimderi óndirildi

ASTANA. KAZINFORM — Qazaqstanda janar-jaǵarmaıdyń qajetti qorlary tolyq kólemde qalyptasqan, dep habarlaıdy Energetıka mınıstrliginiń baspasóz qyzmeti.

— 2026 jyldyń birinshi toqsanynyń qorytyndysy boıynsha respýblıkada munaı ónimderin óndirý kólemi 3,7 mln tonnaǵa jetti, bul rette jyldyq boljamdy kórsetkish 15,4 mln tonna deńgeıinde belgilengen, — delingen mınıstrlik habarlamasynda.

Óndiris qurylymynda áleýmettik mańyzy bar otyn túrleri negizgi oryn alady: benzın shyǵarý 1,6 mln tonnany, al dızel otyny shamamen 1,5 mln tonnany qurady.

Naryqtyń aǵymdaǵy qajettilikterin qamtamasyz etýmen qatar, Energetıka mınıstrligi eldiń munaı óńdeý áleýetin túbegeıli arttyrý boıynsha aýqymdy baǵdarlamany iske asyrýǵa kiristi.

Jumys istep turǵan kásiporyndardyń qýatyn keńeıtý boıynsha belsendi jumystar júrgizilip jatyr:

• Pavlodar munaı-hımııa zaýytynyń qýattylyǵyn 5,5-ten 9 mln tonnaǵa deıin,
• Shymkent zaýytynyń qýatyn 6-dan 12 mln tonnaǵa deıin,
• al Atyraý munaı óńdeý zaýytynyń qýatyn 5,5-ten 6,7 mln tonnaǵa deıin ulǵaıtý josparlanyp otyr.

Sondaı-aq qýattylyǵy jylyna 10 mln tonna bolatyn jańa munaı óńdeý zaýytyn salý jobasyn jedeldetip iske asyrý sharalary qabyldanyp jatyr.

Osydan buryn Qazaqstandaǵy benzın, dızel jáne avtogaz baǵasy qandaı ekenin jazǵan edik.