Qazaqstanda 36,8 mln tonna mal azyǵy daıyndaldy

ASTANA.KAZINFORM - 2025–2026 jyldardaǵy qysqy maýsymǵa daıyndyq aıasynda aýyl sharýashylyǵy janýarlaryna arnalǵan mal azyǵyn daıyndaý jumystary qarqyndy jalǵasyp jatyr.

Aýyl sharýashylyǵy mınıstrligi málimetinshe, jergilikti atqarýshy organdardyń derekteri boıynsha barlyǵy 36,8 mln tonna mal azyǵy daıyndaldy. Onyń ishinde: pishen – 25 mln tonna (jospardyń 101,9%), senaj – 1,9 mln tonna (112,8%),– shoǵyrlanǵan jem – 3,4 mln tonna (62,2%), súrlem – 2 mln tonna (99,1%), saban – 4,4 mln tonna (95,8%).

Pishen daıyndaý josparynyń oryndalýy boıynsha joǵary kórsetkish Soltústik Qazaqstan (147%), Shyǵys Qazaqstan (116,0%), Almaty (105,6%), Jetisý (104,5%), Aqtóbe (103,2%), Qyzylorda (103,2%) jáne Ulytaý (102,3%) oblystarynda baıqaldy. Senaj daıyndaý baǵytynda jaqsy nátıje Soltústik Qazaqstan (163%), Jambyl (114,6%), Qostanaı (107,7%), Almaty (107,5%) jáne Pavlodar (105,0%) oblystarynda tirkeldi.

Daıyndalǵan mal azyǵynyń kólemi janýarlardy tolyqqandy azyqtandyrýǵa, josparly ónim men tól alýǵa, sondaı-aq jalpy mal basynyń saqtalýyn qamtamasyz etýge múmkindik beredi.

Jalpy respýblıka boıynsha mal azyǵymen qamtamasyz etý jaǵdaıy turaqty.

Aıta keteıik, elimizdiń 8 oblysy men 1 qalasynda mal azyǵy 100 paıyz daıyn.