Qazaqstanda 360 myń adam «qaýipti», «zııandy» jáne «erekshe zııandy» óndiristik oshaqtarda jumys isteıdi

Bul týraly búgin QR Eńbek jáne halyqty áleýmettik qorǵaý mınıstrliginde bastalǵan «Strategııalyq josparlaýdyń negizderi jáne eńbek qaýipsizdigin basqarý júıesin jetildirý joldary» taqyrybyndaǵy semınarda QR Eńbek jáne áleýmettik qorǵaý vıtse-mınıstri Birjan Nurymbetov málim etti.

Onyń aıtýynsha, otandyq ekonomıkanyń qurylymyna baılanysty elimizde  «qaýipti», «zııandy» jáne «erekshe zııandy» óndiristik oshaqtar bar. Onda 360 myńǵa jýyq Qazaqstan azamaty eńbek etedi. «Ókinishke qaraı, óndiriste jazataıym oqıǵalar áli de bolyp jatady. Degenmen sońǵy jyldary ondaı jaǵdaılardyń deńgeıi tómendep keledi. Degenmen, ótken jyly 2 myńnan astam jazataıym oqıǵa tirkelse, bıyl alty aıdyń ózinde 1043 jaǵdaı bolyp, 127 adam qaza tapty. Bul bizdiń jumysymyzdy áli jetildirý qajettigin kórsetedi», - deıdi B.Nurymbetov.

Vıtse-mınıstr atap kórsetkendeı, 2011 jyly Qazaqstanda memleket, jumys berýshi kompanııalar men kásipodaqtar arasynda ekijyldyq bas kelisimge qol qoıylǵan bolatyn. Sondaı-aq bıyl Eńbek kodeksine engizilgen birqatar ózgeristerge sáıkes, eńbek qaýipsizdigi boıynsha tıisti jumystardy oryndaý qarastyrylyp otyr.