Qazaqstanda 36 myńǵa jýyq jumyskerdiń eńbek quqyǵy qorǵaldy
ASTANA. KAZINFORM — 2026 jyldyń alǵashqy alty aıynda memlekettik eńbek ınspektorlarynyń jumysynyń nátıjesinde Qazaqstanda 36 myńǵa jýyq jumyskerdiń eńbek quqyqtary qorǵaldy.
Eńbek jáne halyqty áleýmettik qorǵaý mınıstrliginiń málimetinshe, 1 shildedegi jaǵdaı boıynsha memlekettik eńbek ınspektorlary 3,6 myńnan astam tekserý júrgizgen. Tekserý qorytyndysynda jumys berýshilerge anyqtalǵan zań buzýshylyqtardy joıý týraly nusqamalar berilip, qyzmetkerlerdiń buzylǵan quqyqtaryn qalpyna keltirýge baǵyttalǵan sharalar qabyldanǵan.
Mınıstrlik jalaqynyń ýaqytyly tólenýin qamtamasyz etý máselesi erekshe baqylaýda ekenin atap ótti. Tekserýler barysynda birqatar kásiporyndarda qyzmetkerler aldyndaǵy jalaqy boıynsha bereshek anyqtalǵan.
Osyǵan baılanysty jumys berýshilermen birlesip bereshekti óteý kesteleri bekitilip, olardyń oryndalýy turaqty baqylaýǵa alynǵan. Nátıjesinde jalaqy qaryzynyń bir bóligi ótelip, júzdegen jumyskerdiń eńbek quqyqtary qalpyna keltirildi.
Eske salaıyq, buǵan deıin Shymkentte ınvestordyń quqyǵyn buzǵan laýazymdy tulǵalar jaýapqa tartylǵanyn habarlaǵan edik.
