​​Qazaqstanda 350 myńnan astam bala birinshi synypqa qabyldandy

ASTANA. KAZINFORM - Jańa 2024-2025 oqý jylynda 351 176 bala 1-synypqa qabyldandy jáne onyń 70 paıyzǵa jýyǵy memlekettik tilde oqýǵa nıet bildirdi, - dep habarlaıdy Oqý-aǵartý mınıstrligi.

Birinshi synypqa baratyn oqýshylardyń eń kóp sany Túrkistan oblysynda (44 myńnan astam), Almaty oblysynda (34 myń), Astana qalasynda (26 myńnan astam) tirkelgen.

2024-2025 oqý jylynda 7 859 mektepte 3,9 mıllıonnan astam qazaqstandyq bala bilim alady. Sonymen qatar, 11-synypta oqıtyndardyń sany da rekordtyq kórsetkishke jetti – 219 myńnan astam bala.

Jalpy jańa oqý jylynda 1-synypqa 369 myń bala qabyldanady dep kútilýde.

Buǵan deıin habarlaǵanymyzdyı, Bilim kúnine arnalǵan saltanatty is-shara elimizdiń barlyq óńirlerinde dástúrli túrde 1 qyrkúıekte ótedi.