Qazaqstanda 35 myń sheteldik stýdent bilim alyp jatyr

ASTANA. KAZINFORM — Qazaqstanda 88 elden kelgen 35 myńnan astam sheteldik stýdent joǵary bilim alyp jatyr. Bul týraly Ǵylym jáne joǵary bilim mınıstrligi málim etti.

– 2025 jyly Qazaqstanda 88 elden kelgen 35 myńnan astam sheteldik stýdent bilim aldy. Bul kórsetkish bir jylda shamamen 11 paıyz ósken, - deıdi vedomstvodan.

Mınıstrlik málimetinshe, sheteldik stýdentterdiń negizgi legi Úndistan, Túrikmenstan, Ózbekstan, Qytaı jáne Reseıden keledi.

– Qazaqstan halyqaralyq bilim berý salasyn belsendi damytyp, sheteldik ýnıversıtettermen áriptestikti kúsheıtip otyr. Úkimettiń negizgi maqsattarynyń biri – 2029 jylǵa qaraı sheteldik stýdentter sanyn 150 myńǵa deıin jetkizý. Bul baǵyttaǵy saıasat Qazaqstandy Eýrazııa keńistigindegi aımaqtyq bilim berý habyna aınaldyrýdy kózdeıdi, - deıdi jaýaptylar.

Buǵan deıin sheteldik stýdentterge jumys vızasyn berý eńbek naryǵyna qalaı áser etetini jaıly jazǵan edik.

Sheteldik stýdentter Qazaqstanǵa 30 mlrd tg tabys ákeldi.