Qazaqstanda 35 ǵalymnyń ǵylymı jobalary kommertsııalandyrý aıasynda 880 mln. teńge tabys tapty
ASTANA. QazAqparat - Tehnologııalardy kommertsııalandyrý ortalyǵynyń 2014 jylǵy ilki jobasy aıasynda ǵylymı grant alǵan 65 jobanyń ishinen 35 ǵalymnyń jumysy kommertsııalandyrý maqsatyn oryndap, barlyǵy 880 mln teńgeniń ónimin satqan. Bul týraly búgin kommertsııalandyrýdyń tıimdi júıesin qurý máseleleri talqylanǵan dóńgelek ústel barysynda «Tehnologııalardy kommertsııalandyrý ortalyǵynyń» dırektory Damır Egizbaev málim etti.
Onyń aıtýynsha, 2013 jyly QR Bilim jáne ǵylym mınıstrliginiń janynan qurylǵan atalmysh ortalyq ilki joba retinde ǵylymı jobalarǵa grant bólgen.
«Ortalyq qurylǵannan beri grant baǵdarlamasyn qolǵa aldyq jáne Dúnıejúzilik bankpen Bilim jáne ǵylym mınıstrligi tehnologııalardy kommertsııalandyrýǵa bergen granttaryn óz quziretimizge aldyq. Jalpy, bolashaqta kommertsııalanady degen josparmen bas-aıaǵy 65 grant bóldik. Granttardyń jalpy somasy 5,9 mlrd teńgeni quraıdy. Jumysymyzdyń naqty nátıjesine toqtalsam, qazir osy jobalardyń ishinen 35 grant ónimin, bolmasa, ǵylymı jańalyǵyn sata bastady. Osy 35 grant kommertsııalana otyryp, 880 mln teńgeniń ónimin satqan», - deıdi D.Egizbaev.
Buǵan deıin habarlaǵanymyzdaı, Damır Egizbaev búgin mınıstrlikten grant alǵan ónertapqyshtan erteń ónimi naryqta satylǵan kezde qaıtarym retinde eshqandaı qarjy talap etilmeıtinin málim etken edi. ıAǵnı, ortalyqtyń maqsaty - ǵylymnyń jańalyǵyn kommertsııalandyrýǵa, erteń qarjylaı tabys tabýyna qoldaý kórsetý. Biraq, grant berip, joba kommertsııalyq paıda ákele bastaǵanda, granttyń qarjysyn keri qaıtarý mindetti emes ekenin, bul másele tipti qaralmaıtynyn erekshe atap ótti ol. Sonymen qatar, D.Egizbaevtyń aıtýynsha, osy ǵylymı jobalar arasynan 8 adam zııatkerlik menshikke qol jetkizgen.
Aıta keteıik, «Tehnologııalardy kommertsııalandyrý ortalyǵy» birneshe kún buryn ǵana Memleket basshysy N.Nazarbaev qol qoıǵan «Kommertsııalandyrý týraly» zańdy ázirleýge kóp ter tókken. D.Egizbaev zańnyń eń artyqshylyǵy - ıdeıa avtorlarynyń aldynan shyǵatyn burynǵy kedergilerdiń kóbi joıylǵan. Sonymen qatar, joǵarǵy oqý oryndary úshin kommertsııalandyrý bilim men ǵylymnyń janynda qatar júretin qyzmet bolady dep bekitilgen.
