Qazaqstanda 33 gradýsqa deıin aıaz bolady

Apta basynda respýblıkanyń batys jáne soltústik bóligi tsıklon men soǵan baılanysty atmosferalyq shepterdiń yqpalynda bolady. Olar el aýmaǵyna qar men jańbyr alyp keledi. Kazinform bul týraly «Qazgıdromet» RMK-na silteme jasap habarlaıdy.

- 6 jeltoqsanda eldiń soltústiginde qalyń qar jaýyp, kóktaıǵaq, boran bolýy múmkin. Qazaqstannyń ońtústigi men ońtústik-shyǵysynda ǵana kún ashyq bolady. 7 jeltoqsanda soltústik-batys salqyn antıtsıklony kirip keledi de, respýblıkanyń barlyq bóliginde jaýyn-shashyn toqtap, aýa temperatýrasy kúrt tómendep ketedi: eldiń batysy, ortalyǵy men shyǵysynda 10-18 S aıazǵa deıin, soltústik-batysy men soltústiginde 25-33 S aıaz, ońtústiginde 5-13 S aıaz bolýy yqtımal, - delingen málimdemede.

Qazaqstan boıynsha tuman túsip, jel kúsheıedi.