Qazaqstanda 31 jeltoqsan men 1 qańtar aralyǵynda myńnan asa sábı dúnıege keldi
ASTANA. 8 qańtar. QazAqparat - 31 jeltoqsan men 1 qańtar aralyǵynda Qazaqstanda 1203 bala dúnıege keldi. Bul týraly Densaýlyq saqtaýdy damytý Respýblıkalyq ortalyǵynyń baspasóz qyzmetinen habarlady.
Aldyn ala málimetke júginsek, bala týý boıynsha Ońtústik Qazaqstan oblysy kósh bastap tur. Munda 262 sábı dúnıe esigin ashty. Almaty oblysynda - 159, Qaraǵandy oblysynda 121 sábı ómirge keldi. Qazaqstannyń Astanasynda - 61, Almatyda 52 náreste dúnıe esigin ashty. Al eń tómengi bala týý kórsetkishi Aqmola oblysynda. Munda eki kún aralyǵynda tek 18 náreste týyldy. Jalpy elimiz boıynsha, 2014 jyldyń alǵashqy 6 kúninde 4015 sábı ómirge keldi.
