Qazaqstanda 31 qazanda ótetin mańyzdy sharalarǵa sholý

ASTANA

Saǵat 09:30-da Nazarbaev ortalyǵynda «Shapaǵat» respýblıkalyq forýmynyń jeńimpazdaryn marapattaý rásimi ótedi.

Saǵat 09:30-da «Marriott» otelinde EO/BUU DB/BUU EEK birlesken jobalarynyń «Jasyl ekonomıka modeline ótýdegi Qazaqstannyń qoldaýy» konferentsııasynyń sońǵy kezeńi bastalady.

Saǵat 10:00-de Turǵyn úı qurylys jınaq banki «Nurly jer» memlekettik baǵdarlamasy aıasynda salynyp jatqan nysandarǵa baspasóz týryn ótkizedi.

Saǵat 10:00-de QR Parlamenti Májilisiniń jalpy otyrysy bastalady.

Saǵat 10:00-de «Dýman» qonaq úıinde halyqaralyq sarapshylardyń qatysýymen «Kontrafaktili ónimderdiń aınalymyna qarsy kúres. Keltirilgen shyǵyndy baǵalaý ádistemesi» atty semınar uıymdastyrylady.

Saǵat 11:00-de «Kórme» ortalyǵynda densaýlyq saqtaý boıynsha «AstanaZdorovie 2018» kórmesi ótedi.

Saǵat 12:00-de «QazMunaıGaz» ǵımaratynda Qazaqstan-Ázerbaıjan úkimetaralyq komıssııasynyń on besinshi otyrysy bastalady. Sharaǵa eki eldiń Energetıka mınıstrleri qatysatyny kútilýde.  

Saǵat 12:20-da Ortalyq kommýnıkatsııalar qyzmetinde Túrkistan qalasynda «Elbasy Joldaýy men «Rýhanı jańǵyrý» baǵdarlamasyn júzege asyrý jáne Túrkistan qalasyn damytý barysy» taqyrybynda  kóshpeli baspasóz konferentsııasy ótedi. Spıker retinde Túrkistan oblysynyń ákimi Janseıit Túımebaev qatysatyny josparlanǵan.

Saǵat 15:00-de QR SІM-de Qazaqstan Respýblıkasynyń Brazılııa Federatıvti Respýblıkasyndaǵy Elshisi Qaırat Sarjanovtyń «Qazaqstan men Brazılııanyń yntymaqtastyǵynyń qazirgi jaǵdaıy men keleshegi» taqyrybynda brıfıngi uıymdastyrylady.

Saǵat 16:00-de Qazaqstan Respýblıkasynyń Tuńǵysh Prezıdenti - Elbasy kitaphanasynda álemge áıgili tarıhshy Rashıd ad-Dın Hamadanıdiń tuńǵysh ret qazaq tiline aýdarylǵan «Jamıǵ at-taýarıh» 5 tomdyǵynyń tusaýkeseri ótedi.

Saǵat 16:20-da Ortalyq kommýnıkatsııalar qyzmetinde «Qazaqstannyń otyn-energetıkalyq keshenin tsıfrlandyrý» taqyrybynda  baspasóz konferentsııasy ótedi. Sharada QR Energetıka vıtse-mınıstri Bolat Aqsholaqov bolady.

ALMATY

Saǵat 10:00-de QR BǴM Fılosofııa, polıtologııa jáne dintaný ınstıtýtynda Almaty qalasynyń Qazaqstan halqy Assambleıasy Ǵylymı-sarapshylyq tobynyń keńeıtilgen otyrysy bastalady. Jıynda Qazaqstan Prezıdentiniń 5 qazandaǵy halyqqa Joldaýy talqylanady.

Saǵat 10:00-de «Atakentte» tamaq jáne agroónerkásiptik salamen baılanysty bes kórmeniń ashylýy bolady.

Saǵat 11:00-de «Rixos» otelinde «Meıirimdilik mekeni» atty halyqaralyq qaıyrymdylyq jobasynyń tanystyrylymy ótedi.

Saǵat 11:30-da Almaty qalasynyń Óńirlik kommýnıkatsııalar qyzmetinde «Almaty qalasy boıynsha tsıfrlyq telehabar taratýǵa kezeń-kezeńmen ótý» taqyrybynda baspasóz konferentsııasy ótedi.

Saǵat 12:00-de «BJZQ» AQ-da biryńǵaı zeınetaqy jınaǵy júıesiniń ózekti máselelerine arnalǵan brıfıng bastalady.

TÚRKІSTAN

31 qazan kúni Túrkistan qalasynda «Túrkistan: Jańa aqparattyq keńistik» atty halyqaralyq jýrnalıster forýmy ótedi. Alqaly jıynǵa sheteldik jáne otandyq BAQ ókilderiniń basshylary, jýrnalıster, sarapshy mamandar qatysady. Forým aıasynda "TURKISTAN MEDIA" Halyqaralyq ortalyǵy ashylady. Sondaı-aq, sheteldik BAQ ókilderimen memorandýmǵa qol qoıylady.

QYZYLORDA

Saǵat 18:00-de Qyzylorda qalasynyń 200 jyldyǵyna oraı oblystyq fılarmonııa zalynda Qazaqstannyń eńbek sińirgen ártisi, «Eren Eńbegi úshin» medaliniń ıegeri Kúlán Qalymbetovanyń «Aıqarakóz» atty kontserti bastalady.

KÓKShETAÝ

Saǵat 15:00-de Óńirlik kommýnıkatsııalar qyzmetinde «SMART Rýhanı jańǵyrý» mobıldik qosymshasyn tanystyrý» taqyrybynda brıfıng ótedi. Sharaǵa Aqmola oblysy ákiminiń orynbasary Aına Mysyrálimova jáne «ІT-Expert.Asia» JShS dırektory Alekseı Nıkolaev qatystady.