Qazaqstanda 302-shi «Aýyl qutqarýshylary» erikti órtke qarsy quralymy ashyldy
ASTANA. KAZINFORM — Eldi mekenderdegi órt qaýipsizdigin nyǵaıtýǵa baǵyttalǵan «Aýyl qutqarýshylary» vedomstvolyq baǵdarlamasyn iske asyrý jalǵasyp jatyr. Aqtóbe oblysy Oıyl aýdany Shyǵanaq Bersıev aýyldyq okrýgine qarasty Qaratal aýylynda «Aýyl qutqarýshylary» erikti órtke qarsy quralymy jańǵyrtyldy. Bul — baǵdarlama aıasynda respýblıka boıynsha ashylǵan 302-shi órt sóndirý beketi.
Ashylý saltanatyna Aqtóbe oblysy Tótenshe jaǵdaılar departamentiniń bastyǵy Qaharman Orazalın, Oıyl aýdanynyń ákimi Sáken Zaımoldın jáne garnızonnyń jeke quramy qatysty.
Jańa órt sóndirý beketi jalpy sany 1 522 adam turatyn eki eldi mekenniń órt qaýipsizdigin qamtamasyz etedi. Jergilikti atqarýshy organdar qyzmet atqarýǵa qajetti jaǵdaı jasap, jeke quramnyń demalýyna arnalǵan turmystyq bólmelerdi jabdyqtady.
TJM beketti qajetti órt sóndirý tehnıkasymen qamtamasyz etti.
Jańa nysan oqıǵa ornyna jetý ýaqytyn qysqartyp, órtter men basqa da tótenshe jaǵdaılarǵa jedel áreket etýge múmkindik beredi.
Buǵan deıin mańǵystaýlyq qutqarýshynyń eńbek joly týraly jazǵan edik.
