Qazaqstanda 30 jyldaǵy eń jyly jeltoqsan aıy 2021 jyly boldy
NUR-SULTAN. QazAqparat – 2021 jyldyń jeltoqsany respýblıka aýmaǵynda jyly boldy, eldiń ońtústik-batys bóliginde kóktemgi temperatýra saqtaldy. Buǵan Iran men Ortalyq Azııadan jıi yǵysqan jyly aýa massalary sebep boldy, dep habarlaıdy QazAqparat Qazgıdrometke silteme jasap.
Jer betindegi qabatta ońtústik jáne soltústik-batys tsıklondarmen baılanysty atmosferalyq frontaldy bólikterdiń kóp márte ótýimen aýa raıynyń qubylmaly sıpaty baıqaldy. Respýblıkanyń kóp bóliginde aıdyń ekinshi jartysynda qar jaýyp, boran soqty, arasynda qatty jaýyn-shashyn boldy.
Eldiń ońtústik bóliginde jańbyr men qar aralas jańbyr jaýdy. Ońtústik-shyǵys, shyǵys óńirlerdiń taýly jáne taý bókterli aýdandarynda alǵashqy on kúnniń sońynda 18 mm-ge deıin qatty jaýyn-shashyn tirkeldi. Aıdyń ortasynda Túrkistan oblysynda 25 mm jaýyn-shashyn tústi, sonymen qatar tuman men kóktaıǵaq tirkeldi.
Qazaqstannyń barlyq aýmaǵynda aýa temperatýrasy normadan 1-6 gradýsqa joǵary, tek eldiń shyǵys pen ońtústik-shyǵys bóliginde klımattyq normaǵa saı boldy.
