Qazaqstanda 30 maýsymda ótetin mańyzdy sharalarǵa sholý

ASTANA

Saǵat 11:00-de Ulttyq tennıs ortalyǵynda «BAQ OPEN» halyqaralyq týrnıriniń ashylý saltanaty ótkiziledi.

Dál osy ýaqytta Etnoaýylda «Kóshpendiler Álemi» atty kóshpendilerdiń ІІІ Halyqaralyq festıvali ótedi.

Saǵat 15:00-de Qazaqstan Respýblıkasynyń Ulttyq akademııalyq kitaphanasynda Ońtústik Qazaqstandaǵy Otyrar memlekettik arheologııalyq mýzeıiniń kórmesi ótedi.

Saǵat 17:00-de «Dáýlet» sport kesheninde Qazaqstan Respýblıkasynyń Tuńǵysh Prezıdenti - Nursultan Nazarbaevtyń júldesi úshin sambodan Álem kýbogynyń ashylýy ótedi.

Saǵat 18:00-de Qazmedıa ortalyǵynda ata-anasynyń qamqorlyǵynsyz qalǵan balalardyń «Búginniń balasy - bolashaqtyń danasy» atty І respýblıkalyq festıvaline qatysqan balalardy marapattaý rásimi uıymdastyrylady.

ALMATY

Saǵat 10:00-de Qurlyq áskerleri Áskerı ınstıtýtynda jas leıtenanttarynyń saltanatty túrde oqýdy aıaqtaý rásimi ótkiziledi.

Saǵat 11:00-de Qulager shaǵyn aýdanynda «Meniń aýlamdaǵy sport» baǵdarlamasyna qatysýshy jastardyń arasynda sporttyq oıyndardyń túri boıynsha jalpy qalalyq aqtyq saıys bastalady.

KÓKShETAÝ

30 shilde kúni Kókshetaýda Aqmola oblysynyń oblys ortalyǵy bolyp qurylýynyń 194 jyldyǵy atalyp ótedi. Merekelik sharalar saǵat 11:00-de Elektrondy kitaphanada bastalady. Al saǵat 15.00-de qalalyq Jastar resýrstary ortalyǵy ortalyq jaǵajaıda Open Air aktsııasyn ótkizedi.