Qazaqstanda 30 mamyrda ótetin mańyzdy sharalar tizimi jarııalandy

ASTANA. KAZINFORM — Kazinform halyqaralyq aqparat agenttigi 30 mamyr kúni Qazaqstanda ótetin mańyzdy oqıǵalarǵa sholý usynady. 

ASTANA

• 08:00 — Astana halyqaralyq forýmy (AIF2025) bastalady.

• 09:00 — Eýrazııalyq Lıganyń álem kýbogynyń kezeńi boıynsha halyqaralyq at sporty jarystary — konkýr (FEI CSI 1*-W) jáne halyqaralyq atpen mánerlep júrý týrnıri (FEI CDI 1*). Ótetin orny: Qarqaraly tas joly, 1.

• 09:30 — Memlekettik basqarý jáne Qytaı men Ortalyq Azııa arasyndaǵy gýmanıtarlyq almasý dıalogy boıynsha sımpozıým. Ótetin orny: Beijing Palace Soluxe Hotel Astana.

• 11:00 — Astana qalasy boıynsha memlekettik qyzmet isteri agenttiginiń departamenti jergilikti atqarýshy bılik organdarynyń jáne baǵynysty uıymdardyń memlekettik qyzmetkerlerine arnalǵan túsindirme jıynyn ótkizedi. Ótetin orny: Beıbitshilik kóshesi, 11.

• 11:00 — Ortalyq Azııadaǵy alǵashqy dástúrli qytaı medıtsınasy ortalyǵy resmı túrde ashylady. Seriktestik — Sıan dástúrli qytaı medıtsınasy aýrýhanasy jáne «Sıan» klınıkasy. Ótetin orny: Saýran kóshesi, 15/1.

• 11:30 — QR Prezıdenti janyndaǵy Ortalyq kommýnıkatsııalar qyzmetinde dóńgelek ústel ótedi. Taqyryby: «Balanyń ál-aýqaty — memlekettiń qamqorlyǵy».

• 14:30 — «Ortalyq Azııa — Italııa» birinshi sammıti ótedi.

Osyǵan deıin Memleket basshysy Qazaqstanǵa resmı saparmen kelgen Italııa Premer-mınıstri Djordja Melonıdi elorda áýejaıynan qarsy alǵanyn jazdyq. Melonı memleketter basshylary deńgeıinde birinshi «Italııa — Ortalyq Azııa» sammıtin uıymdastyrǵany úshin Prezıdentke rızashylyǵyn bildirdi.