Qazaqstanda 3 myńnan astam quqyq qorǵaý qyzmetkeriniń laýazymdary joǵarylatylady

Bul týraly búgin Aqordada QR Prezıdenti Ákimshiliginiń quqyq qorǵaý júıesi bóliminiń meńgerýshisi Alık Shpekbaev málim etti.

«Kezekten tys attestattaý quqyq qorǵaý organdarynyń kadrlyq rezervin kóp satyly jáne irikteýdiń qatań rásiminen ótken adamdardyń qatarynan jańartýǵa múmkindik berdi. Attestattaý komıssııalarynyń usynystary boıynsha joǵary turǵan laýazymdarǵa 3 myńnan asa qyzmetker usynyldy, olardyń 671-i taǵaıyndaldy», - dep túıdi ol.

A.Shpekbaevtyń atap ótkenindeı, attestattaý barysynda basshylyq kadrlardy rotatsııalaýdyń mehanızmi neǵurlym belsendi paıdalanatyn boldy. Máselen, naýqan barysynda quqyq qorǵaý organdary aýmaqtyq departamentteriniń 13 basshysy aýystyrylǵan.