Qazaqstanda 3 myńnan asa sanaq buryshy ashyldy
«Barlyq Halyqqa qyzmet kórsetý ortalyǵynda, iri saýda oryndarynda, Qazposhta bólimshelerinde halyq sanaǵynan onlaın ótýge arnalǵan buryshtar uıymdastyrdyq. Olarda arnaýly keńesshiler jumys istep jatyr. Turǵyndar tarapynan belsendilik baıqalady. Biz óz tarapymyzdan halyqqa barlyq jaǵdaı jasaýymyz kerek. Alǵash ret tsıfrlyq formatta ótip jatqannan keıin arnaýly saıt jasadyq. Onyń jumysy jaqsy júrip jatyr. Halyq tarapynan ynta joǵary. Al sanaqtan onlaın ótýge múmkindigi joq azamattarǵa osyndaı burysh uıymdastyrdyq. Búkil elimiz boıynsha osyndaı 3 myńnan astam burysh uıymdastyryldy», - dedi Nurbolat Aıdapkelov elordada ashylǵan buryshtardyń biriniń jumysymen tanysqannan keıin.
Ulttyq statıstıka bıýrosynyń málimetinshe, 1 421 092 respondent onlaın sanaqtan ótti. 1 216 369 adam sanaq.gov.kz saıtynda, 147 702 adam egov portalynda tirkelý arqyly jaýap berse, 57 021 adam sanaqqa Aitu qosymshasy arqyly qatysty.
Saýaldarǵa onlaın jaýap berý múmkindigi 15 qazanǵa deıin qoljetimdi. Qazirgi ýaqytta respondentterge sanaqtan onlaın rejımde ótýdiń birneshe joly qarastyrylǵan: sanaq.gov.kz saıty, e-gov portalynda tirkelý jáne Aitu mobıldi qosymshasy.
10 qyrkúıektegi jaǵdaı boıynsha óńirlerde ashylǵan sanaq buryshtarynyń sany:
Nur-Sultan – 9
Almaty – 145
Shymkent – 155
Qostanaı oblysy – 21
Aqmola oblysy – 258
Atyraý oblysy – 81
Mańǵystaý oblysy – 31
Pavlodar oblysy – 253
Jambyl oblysy – 82
Aqtóbe oblysy – 172
Túrkistan oblysy – 485
Almaty oblysy – 312
Batys Qazaqstan oblysy – 206
Soltústik Qazaqstan oblysy – 155
Shyǵys Qazaqstan oblysy – 353
Qyzylorda oblysy – 325
Qaraǵandy oblysy – 112
