Qazaqstanda 3 myńǵa jýyq kınotýyndy tsıfrlyq qalypqa keltiriledi

Dóńgelek ústelge QR Ulttyq akademııalyq kitaphananyń dırektory Úmitqan Muńalbaeva, QR Mádenıet jáne sport mınıstrliginiń, Qazaq ǵylymı-zertteý ınstıtýtynyń ókilderi, belgili kınorejısserler, Qazaqsandaǵy Frantsııa elshiliginiń ókili qatysty.
Ulttyq tsıfrlyq kınokollektsııany qalyptastyrý Prezıdent Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynyń mádenı murany saqtaý bólimindegi mádenıet salasyna qoıylǵan mindetterdi iske asyrý kezeńderiniń biri bolyp tabylady.
Qazirgi tsıfrlyq tehnologııalar áleminde aqparattandyrýdyń róli kúnnen kúnge artyp kele jatyr. Tipti búgingi tańda jer sharyndaǵy halyqtyń 70 paıyzy ınternetke kire alady. Osylaısha, halyq pen bıznestiń memlekettik qyzmetterge qol jetimdiligi, aqparat almasý protsesi jeńildegen. Osy turǵyda alǵanda QR kıonematogratsııasynyń sońǵy on jylda jedel damyp kele jatqanyn atap ótý kerek. Osy úrdis arqyly qazaqstandyq tolyqmetrajdy fılmderdiń sany kóbeıdi.
Resmı statıstıkaǵa súıensek, Qazaqstanda jyl saıyn 10-15 oıyn fılmi shyǵarylady. Shyǵarylyp jatqan derekti fılmder sany da artyp keledi.
QR Mádenıet jáne sport mınıstrliginiń Qazaq ǵylymı-zertteý ınstıtýtynyń bas dırektory Andreı Hazbýlatovtyń aıtýynsha, kıno salasynyń damýynyń kelesi kezeńi kıonónimdi saqtaý, damytý jáne osy týyndylarǵa qol jetimdilik úshin jaǵdaı jasaý bolyp tabylady. Sebebi, búgingi tańda Qazaqstanda memlekettik qordaǵy fılmderdiń 90 protsenti tsıfrlanbaǵan. Bul mindetterdi QR Ulttyq tsıfrlyq kınokollektsııasyn qalyptastyrý jobasy sheshedi. Joba aıasynda ulttyq kınokollektsııalarǵa jol ashatyn platformany jasaý josparlanyp otyr. Al paıdalanýshynyń janr, taqyryp pen tıp syndy ólshemder boıynsha fılmi tańdaý múmkindigi bolady. Osylaısha, kınoóndiris úshin bul onlaın muraǵat bolsa, paıdalanýshy úshin onlaın kınoteatr retinde qyzmet atqarady.
Jobany iske asyrý Qazaqstannyń Ulttyq tsıfrlyq kınokollektsııasynyń jalpyǵa qoljetimdi platformasyn jasaýǵa múmkindik bermek. Derekti, kórkem, anımatsııalyq fılmder, kınojýrnaldar, kınohronıkalar, shejirelerdiń tsıfrlyq kóshirmesin qalyptastyrýmen birge, kınematografııa salasynda lıtsenzııalaý men aqyly qyzmet keshenin damytýǵa yqpal etedi.
«Joba bıyl ǵana bastaldy. Bizdiń ınstıtýt fılmderdiń tizimin jasaý úshin ǵylymı-zertteý jumystaryn júrgizdi. Búgingi kúni Qazaqfılmde 1500-ge jýyq kórkem, derekti jáne ǵylymı turǵyda tanymal fılmder bar. Olardyń barlyǵy da 13 myń birlikpen tsıfrlanbaǵan kúıi saqtalýda. Sonymen qatar, Reseıdiń memlekettik kınoqorynda taǵy 1,5 myń týyndy baryn anyqtap otyrmyz. Bunyń bári bizdiń halyqtyń murasy. Týyndylardy tsıfrlaý jobasy 3 jylǵa arnalǵan. Osylaısha, biz ol týyndylardyń elektrondyq bazasyn ázirleımiz. Ol bazadan kez kelgen paıdalanýshy ózin qyzyqtyrǵan kınolarǵa qol jetkize alady», - deıdi Andreı Hazbýlatov.