Qazaqstanda 3 mln tonnadan astam arpa jınaldy
Bul kórsetkish byltyrǵy ónimimen salystyrǵanda 594 myń tonnaǵa artyq.
Ústimizdegi jyly arpa 1 897,2 myń ga alqapqa egildi. Qazirgi kezde 99,6 % alqap oryldy. Bıylǵy ortasha túsimdilik 1 ga 17,3 tsentnerge jetip otyr.
Salystyrý úshin aıtar bolsaq, 2015 jyly túsim 1 ga 13,5 tsentnerden keldi.
Sonymen qatar, respýblıka boıynsha qaraqumyq jınaý naýqany aıaqtaldy.
Qorytyndylaı kelgende, sharýalar osy ónim túriniń 100 myń tonnasyn bastyrdy. Túsimdilik 1 ga 10,1 tsentnerdi qurady.
Aıta keteıik, elimizdiń 7 oblysynda sharýalar qaraqumyq egýmen aınalysady. Negizinde respýblıkanyń soltústik óńirlerinde ósiriledi.
Taǵy bir aıta keterlik jaıt, QR Aýyl sharýashylyǵynyń birinshi vıtse-mınıstri Q.Aıtýǵanov Úkimet otyrysynda keleshekte egis alqaptarynyń qurylymynda aıtarlyqtaı ózgerister bolatynyn eskertken edi. Aldaǵy jyldary egis alqaptaryndaǵy astyq kólemi 2 mln gektarǵa azaıyp, maıly daqyldar egisiniń aýqymy artady.