Qazaqstanda 3 mln tonna sút ónimderi tapshylyǵy bar – depýtat
«Memlekettik qoldaý azyq-túlik ımportyn azaıtýǵa tikeleı áser etedi. Resmı statıstıkaǵa súıensek, Qazaqstanda jyl saıyn shamamen 6,3 mıllıon tonna sút óndiriledi. Onyń 1,6 mıllıon tonnasy sút ónimderin jasaýǵa jumsalady. Atalǵan kólemniń 1 mıllıon tonnasyn otandyq iri sharýashylyqtar júzege asyrady. Degenmen sút ónimderiniń ımportyna táýeldilik mańyzdy másele kúıinshe qalyp otyr. Máselen, jyl saıyn elge 600 myń tonna sút ónimderi ákelinedi. Qazir naqty tapshylyq - jylyna keminde 3 mln tonnany quraıdy. Sondyqtan sút jáne sút ónimderi fermalary úshin memlekettik qoldaý kóleminiń qysqarýy ımportqa táýeldiliktiń ósýine alyp keledi. Al qus sharýashylyǵynda ımportqa táýeldilik 70%-ǵa jetti. Jumyrtqadan bastap taýyqtyń balapanyna deıin syrttan ákelinip jatyr», - dedi Májilis depýtaty Asqarbek Úısimbaev dóńgelek ústel barysynda.
Halyq qalaýlysy ımportqa táýeldilikti azaıtý kerek dep sanaıdy.
«Aýyl sharýashylyǵy salasyn sýbsıdııalaý áleýmettik mańyzy bar azyq-túliktiń baǵasyna tikeleı áser etedi. Osy oraıda sýbsıdııa máselesiniń áleýmettik mańyzy zor. Biz sala mamandary men ákimdikterdiń usynysyn tyńdadyq. Onyń nátıjesi - memlekettik qoldaýsyz fermerler jumys jasaı almaıdy, ásirese qazirgi ekonomıkalyq daǵdarys jaǵdaıynda», - deıdi ol.
Buǵan deıin habarlaǵanymyzdaı, Qazaqstanda sýbsıdııalaý protsesi taıaý arada elektrondy formatqa kóshedi.
