Qazaqstanda 3 mıllıonnan astam bala qosymsha bilim berýmen qamtylady
ASTANA. KAZINFORM - 2024-2025 oqý jylynda elimizde 3 mln-nan astam bala qosymsha bilim berýmen qamtylady dep josparlanýda. Bul jalpy bilim alýshylardyń 86,3%-y, dep habarlaıdy Qazaqstan Respýblıkasy Oqý-aǵartý mınıstrliginiń baspasóz qyzmeti.
Qazirgi tańda elimizde 1713 mektepten tys uıym ár baǵyttar boıynsha 380 úıirme túrin usynady: ǵylymı-tehnıkalyq, mýzykalyq, kórkem-estetıkalyq, ekologııalyq-bıologııalyq, týrıstik-ólketaný, áskerı-patrıottyq, áleýmettik pedagogıkalyq jáne taǵy basqalary.
Respýblıkalyq jáne óńirlik deńgeılerde 15 jobalyq keńse, debattar men ózin-ózi basqarý shtabtary, oqýshylar men stýdentterdiń 20 debattyq lıgasy qurylyp, balalardyń synı oılaý jáne kóshbasshylyq qabiletterin damytýda.
«Mınıstrlik qosymsha bilim berý júıesin damytý boıynsha keshendi jumystar júrgizýde. Balalardy saýyqtyrý jáne olardyń shyǵarmashylyq, zııatkerlik áleýetin damytý jónindegi 2024–2026 jyldarǵa arnalǵan jol kartasy sheńberinde 2025 jylǵa deıin aýyldyq mektepterde mektepten tys qosymsha bilim berý uıymdarynyń 1 myń komıýnıtı-ortalyqtaryn ashý boıynsha jumys bastaldy. Qazirgi ýaqytta aýyl mektepterinde osyndaı 468 ortalyq ashyldy. Jalpy 2027 jylǵa deıin 100 qosymsha bilim berý ortalyǵyn ashý josparlanǵan», - dep atap ótti QR Oqý-aǵartý mınıstrligi Tárbıe jáne qosymsha bilim berý departamentinde.
Sonymen qatar balalar-jasóspirimder men eriktiler uıymdarynyń qyzmetin jetildirý boıynsha jumystar júrgizilýde. Bul baǵdarlamanyń taǵy bir mańyzdy tusy mamandardyń biliktiligin arttyrý bolyp tabylady: 3500-den astam qosymsha bilim berý pedagogi, debattyq klýb jetekshileri, oqýshylar men stýdentterdiń ózin-ózi basqarý uıymdarynyń pedagogteri men úılestirýshileri oqýdan ótti.
