Qazaqstanda 3 maýsym kúni jel kúsheıip, burshaq jaýýy yqtımal
ASTANA. QazAqparat - Qazaqstanda 2018 jyldyń 3 maýsym kúni atmosferalyq frontaldy bólikterdiń ótýine baılanysty aýa raıy qubylmaly bolady, dep habarlaıdy «QazAqparat».
«Qazgıdromet» RMK-nyń málimetteri boıynsha, respýblıkanyń keı jerlerinde jaýyn jaýyp, naızǵaı oınaıdy. Jel kúsheıip, tuman túsedi, burshaq jaýýy da yqtımal. Ediń batysy men ońtústiginde birqatar aımaqtarda shańdy daýyl kóteriledi. Tek eldiń batysynda, ońtústigi men soltústiginde ǵana kún ashyq bolady.
Jambyl oblysynyń birqatar aımaqtarynda jel kúsheıip, jyldamdyǵy sekýndyna 15-20 metrge deıin jetedi.
Qaraǵandy oblysynda jel turyp, burshaq jaýyp, kúndiz jeldiń jyldamdyǵy sekýndyna 15-20 metrge jetedi. Túnde jáne kúndiz keı jerlerde birqatar aımaqtarǵa tuman túsedi.
Almaty oblysynyń birqatar aımaqtarynda jel kúsheıip, jyldamdyǵy sekýndyna 18-23 metr bolady.
Túrkistan, kúndiz Qyzylorda, Atyraý oblystarynyń keı jerlerinde jeldiń jyldamdyǵy sekýndyna 15-20 metrge jetip, shańdy daýyl kóteriledi.
Soltústik Qazaqstan oblysynda jel kúsheıip, jyldamdyǵy 15-20 m/s bolady. Túnde jáne tań ata tuman túsýi yqtımal.
Shyǵys Qazaqstan, kúndiz Aqmola oblystarynyń birqatar aımaqtarynda burshaq jaýyp, jeldiń jyldamdyǵy sekýndyna 15-20 metrge jetýi yqtımal.
Pavlodar, Qostanaı oblystarynda túnde jáne tań ata tuman túsedi.
Kúndiz Batys Qazaqstan oblysynda keı jerlerdi jeldiń jyldamdyǵy sekýndyna 15-20 metrge jetedi.
Kúndiz Batys Qazaqstan, Atyraý oblystarynda kún ysıdy, keı jerlerde kún qatty ysıdy. Mańǵystaý oblysynda da aptap ystyq bolady, keı jerlerde tym qatty ysıdy.
Aqtóbe oblysynda da kún ysıdy.
Mańǵystaý, Atyraý oblystary men Qyzylorda, Batys Qazaqstan, Aqtóbe, Túrkistan, Shyǵys Qazaqstan oblystarynda kún erekshe qatty ysyp, órt qaýpi týyndaýy yqtımal.
