Qazaqstanda 3 qyrkúıekte ótetin mańyzdy sharalar ańdatpasy

NUR-SULTAN

11.00-de QR Úkimetiniń Baspasóz ortalyǵynda Memleket basshysy Joldaýyn iske asyrý sharalary týraly brıfıng ótedi. Oǵan QR Premer-Mınıstriniń orynbasary E. Toǵjanov; QR eńbek jáne halyqty áleýmettik qorǵaý mınıstri B. Nurymbetov; QR bilim jáne ǵylym mınıstri A. Aımaǵambetov; QR mádenıet jáne sport mınıstri A. Raıymqulova; QR densaýlyq saqtaý birinshi vıtse-mınıstri M. Shoranov qatysady. Brıfıng onlaın rejımde PrimeMinister.kz saıtynda, áleýmettik jelilerdegi resmı akkaýnttarynda jáne «Habar 24» telearnasynda tikeleı efırde taratylady.

11.00-de Nur-Sultan qalasy ákimdiginiń baspasóz ortalyǵynda «Jaǵajaı maýsymynyń jabylýy» taqyrybynda onlaın brıfıng ótedi. Oǵan Nur-Sultan qalasynyń TJD bastyǵy Baýyrjan Syzdyqov qatysady. Onlaın brıfıng Nur-Sultan qalasy ákimdiginiń Facebook-taǵy resmı paraqshasynda https://www.facebook.com/nursultanakimat/ kórsetiledi.

15.00-de «Marden» bıznes-ortalyǵynda «Qazaqstanda ózin-ózi jumyspen qamtyǵandar el ekonomıkasyn damytýdyń naqty ındıkatory retinde» atty qoǵamdyq pikirtalas ótedi. Taqyryp boıynsha jergilikti atqarýshy organdarǵa usynystar ázirlenedi.

ALMATY

11.00-de Zoom konferentsııasy arqyly Qoǵamdyq keńestiń onlaın otyrysy ótedi. Sharaǵa Qoǵamdyq keńes músheleri men sarapshylary, ÚEU, ardagerler keńesi, múgedekter qoǵamy, kópbalaly analar keńesi, jergilikti qoǵamdastyq komıtetteri (SShÚ) jáne jastar qatysady.

https://zoom.us/meeting/register/tJMtc-6hrD0rGtBut0eFvg2HJ-GHzDMW-hGn