Qazaqstanda 3 kún ishinde 1874 qylmys ashylyp, izdeýde júrgen 74 adam ustaldy
ASTANA. QazAqparat - Elimizdiń aýmaǵynda sáýirdiń 10-ynan bastap «Quqyqtyq tártip» jedel aldyn alý is-sharasy júrgizilýde. Bul jaıynda QR ІІM Memlekettik til jáne aqparat departamentiniń dırektory Almas Sadýbaev óziniń feısbýktegi paraqshasynda jazdy, dep habarlaıdy QazAqparat.
Onyń atap ótýinshe, shara kósheler men ózge de qoǵamdyq oryndardaǵy quqyq buzýshylyqtardyń aldyn alýǵa, eskertýge jáne jolyn kesýge baǵyttalǵan.
«Úsh kún ishinde 39 myńnan asa ákimshilik quqyq buzýshylyqtar anyqtaldy, 1 874 qylmys ashyldy, izdeýde júrgen 74 adam ustaldy, polıtsııa esebinde turǵan 49 myńnan asa adam tekserildi. Mundaı aldyn alý is-sharalar júıeli túrde ótkizilip turady jáne qylmys sanynyń tómendeýine yqpal etedi. Azamattardy quqyq buzýshylyqtar oryn alǵan jaǵdaıda tez arada polıtsııaǵa habar berýge shaqyramyz», - dep jazdy Almas Sadýbaev.
