Qazaqstanda 3 qazanda ótetin mańyzdy sharalarǵa sholý
ASTANA. QazAqparat - «QazAqparat» Halyqaralyq aqparat agenttigi Qazaqstanda 3 qazanda ótetin mańyzdy sharalarǵa sholý usynady.
ASTANA
Saǵat 10:00-de Qazaqstan Respýblıkasy Parlamenti Májilisiniń jalpy otyrysy bastalady.
Saǵat 13:30-da M.S.Nárikbaev atyndaǵy QazMZÝ-de QR Bas Prokýratýrasy men EUCJ jobasynyń birlesken jobasy aıasynda «Halyqtyq qaýipsizdik deńgeıin baǵalaý men quqyq qorǵaý organdaryna senimdilik» halyqaralyq zertteýiniń qorytyndysy jarııalanady.
Saǵat 15:00-de «Nur Otan» partııasy tóraǵasynyń birinshi orynbasary Máýlen Áshimbaev pen qoǵamdyq keńes ókilderi Astana qalasynyń nysandaryn aralaıdy.
Saǵat 15:00-de «Týrıst» qonaq úı kesheniniń 2-qabatyndaǵy májilis zalynda Uly dalanyń «ALPAǴUT» atty jańa áskerı sport túriniń qurylýyna oraı jýrnalısterdiń qatysýymen dóńgelek ústel bolady.
Saǵat 15:00-de MEGA Silk Way ǵımaratynda Brodveıdegi eń tanymal shoýlardyń biri «Illıýzıonısterge» arnalǵan baspasóz máslıhaty uıymdastyrylady.
ALMATY
Saǵat 09:00-de Ramada Plaza qonaq úıinde esirtkige qarsy saıasat, Ortalyq Azııada esirtki zattarynyń taralýynyń aldyn alýǵa arnalǵan ekinshi aımaqtyq konferentsııa ótedi.
Saǵat 09:00-de «InterContinental Almaty» qonaq úıinde «Kazakhstan Urban Forum 2018» sharasy bastalady.
Saǵat 11:30-da Almaty qalasynyń Aımaqtyq kommýnıkatsııalar qyzmetinde «Týberkýlep bızneske áser etpeıdi» atty baspasóz máslıhaty uıymdastyrylady.
Saǵat 12:00-de Oqýshylar saraıynda pedagogtar arasyndaǵy «Adal ustaz» qalalyq baıqaýynyń nátıjesi jarııalanady.
