Qazaqstanda 3 energoblok, 12 qazandyq pen 5 týrbına jóndeýde
ASTANA. KAZINFORM — Elimizde bıyl 9 energoblokty, 55 qazandy jáne 51 týrbınany kúrdeli jóndeý josparlanǵan, dep habarlaıdy Energetıka mınıstrliginiń baspasóz qyzmeti.
Qazirgi tańda 3 energoblokta jóndeý jumystary bastaldy.
— 12 qazandyq jóndelip jatyr, onyń ishinde bireýiniń jóndeýi aıaqtaldy. Bir týrbınanyń jóndeýi aıaqtalyp, taǵy 5 týrbına jóndelýde. Qalǵan jóndeý jumystary bekitilgen kestege sáıkes kezeń-kezeńimen júzege asatyn bolady, — delingen habarlamada.
Mınıstrlik atap ótkendeı, júrgizilip jatqan jumystar energetıkalyq jabdyqtyń senimdi jáne úzdiksiz jumysyn qamtamasyz etýge, sondaı-aq aldaǵy jylytý maýsymynda halyqty turaqty jylýmen jabdyqtaýǵa baǵyttalǵan.
Osyǵan deıin Qazaqstanda energetıkalyq nysandardy qorǵaý úshin aq hakerler men JI-ınjenerleri daıarlanatynyn jazdyq.
