Qazaqstanda 3 aıda 5,5 mlrd jolaýshy tasymaldandy

NUR-SULTAN. QazAqparat - Qazaqstanda 2019 jyldyń qańtar-naýryzynda tasymaldanǵan jolaýshylar sany 5,519 mlrd adamdy qurady. Bul 2018 jyldyń sáıkes kezeńindegi kórsetkishten 1,9% artyq, dep habarlaıdy QazAqparat tilshisi QR Ulttyq ekonomıka mınıstrligi Statıstıka komıtetine silteme jasap.

Atap aıtqanda, eseptik kezeńde avtomobıl kóligimen 5,492 mlrd adam (ótken jyldyń qańtar-naýryzynan 1,8% kóp), tramvaımen - 7,208 mln (+6,5%), temirjolmen - 5,187 mln (-0,2%), metropolıtenmen - 3,757 mln (+14,7%), áýe kóligimen - 1,604 mln (-8%), basqa da kólik túrlerimen - 268,8 myń (+21%) adam tasymaldanǵan. Sondaı-aq, trolleıbýs kóligimen tasymaldanǵan jolaýshylar sany 29% artsa, sýda júretin kólikterdi paıdalanýshylar sany 89% azaıǵan.

Osy jyldyń qańtar-naýryzynda jolaýshylar aınalymynyń kólemi 68,161 mlrd jolaýshy-shaqyrymǵa jetken (+4%).

2019 jyldyń qańtar-naýryzynda júk aınalymynyń kólemi 139,412 mlrd tonna-shaqyrymdy qurap, ótken jylǵy kórsetkishten 2,1% artqan.

Avtor: Ashat Ahmetbekov