Qazaqstanda 3,8 mln jeńil kólik tirkelgen

NUR-SULTAN. QazAqparat – Qazaqstanda 3 mln 824 myń 200 jeńil kólik tirkelgen, dep habarlaıdy QazAqparat QR Strategııalyq josparlaý jáne reformalar agenttigi Ulttyq statıstıka bıýrosyna silteme jasap.

Bıylǵy qańtar-qyrkúıek aralyǵynda Qazaqstanda 610 120 jeńil avtomobıl tirkelgen. Bul, 2020 jyldyń osy kezeńimen salystyrǵanda 8,6% kóp. Qazaqstan Respýblıkasynda 2021 jylǵy 1 qazandaǵy jaǵdaı boıynsha tirkelgen jeńil avtomobılderdiń sany 3824,2 myńdy quraıdy.

Bıylǵy toǵyz aıda el óńirlerinde 9422 jol-kólik oqıǵasy tirkelip, saldarynan 13844 adam zardap shekken. Ótken jylǵa qaraǵanda apattylyq 5,5% artqan.

2021 jylǵy 1 qazandaǵy jaǵdaı boıynsha kólik quraldary ıelerine saqtandyrý uıymdary 27,2 mlrd teńge somasyna 60 482 saqtandyrý tólemin jasaǵan.