Qazaqstanda 3,8 mln jeńil kólik tirkelgen

NUR-SULTAN. QazAqparat – Qazaqstanda tirkelgen jeńil kólikter sany 3,8 mıllıonnan astamdy qurady. Bul týraly QR Strategııalyq josparlaý jáne reformalar agenttigi Ulttyq statıstıka bıýrosynan málim etti, dep habarlaıdy QazAqparat.

2021 jylǵy qańtar-naýryzda Qazaqstan Respýblıkasynda 224 421 jeńil avtomobıl tirkeldi. Bul, byltyrǵy jyldyń tıisti kezeńimen salystyrǵanda 3,5% kóp.

2021 jylǵy 1 sáýirdegi jaǵdaı boıynsha, elimizde tirkelgen jeńil kólik sany 3849,9 myń birlikti qurady.

Sondaı -aq statıstıka málimetine sáıkes, bıylǵy qańtar-naýryz aralyǵynda 2621 jol-kólik oqıǵasy tirkelip, 3968 adam zardap shekken. Ótken jylǵy tıisti kezeńmen salystyrǵanda apattylyq 4,3% azaıdy.

2021 jylǵy 1 sáýirdegi jaǵdaı boıynsha, kólik quraldary ıelerine saqtandyrý uıymdary 8,8 mlrd teńge somasyna 19 627 saqtandyrý tólemin jasady.