Qazaqstanda 3,5 mln tonna kartop jınaldy

ASTANA. QazAqparat - 2017 jyldyń 20 qazanyndaǵy jedel málimetterge sáıkes egilgen alqaptyń 99,8%-y jınalyp, 3,5 mln tonna kartop alyndy, dep habarlaıdy QR Aýyl sharýashylyǵy mınıstrliginiń baspasóz qyzmeti.

Jergilikti atqarýshy organdardań málimetinshe, 2017 jyly kartoptyń egis tanaby 179,6 myń gektardy qurap, 2016 jylmen salystyrǵanda 1,6 myń gektarǵa kem boldy.

2017 jyldyń qańtar-tamyz aralyǵynda Respýblıkadan eksporttalǵan kartoptyń jalpy kólemi 107,4 myń tonnany quryp, 17,4 mln AQSh dollaryna baǵalandy, olardyń 76 myń tonnasy byltyrǵy jyldyń ónimi. Kartop eksporttalǵan negizgi el Ózbekstanǵa 106,6 myń tonna kartop 17,3 mln AQSh dollaryna jiberildi.

2017 jyldyń qazan aıynan bastap ózderindegi ónimdi jınaý kezeńiniń bastalýyna baılanysty  Ózbekstan tarapynan kartopqa degen suranys kúrt tómendedi. 

Statıstıka málimetterine sáıkes, maýsym-qyrkúıek aralyǵyndaǵy óndirýshiler baǵasy kelisine 49 teńgeden boldy, sonymen qatar, bólshek saýda baǵasy kelisine 162 teńgeden 99 teńgege deıin tómendedi. 2016 jyldyń osy kezeńinde óndirýshiler baǵasy kelisine 47 teńgeden 45 teńgege deıin, bólshek saýda baǵasy 106 teńgeden 81 teńgege deıin tómendegen.

Osylaısha, byltyrǵy jyldyń qyrkúıek aıymen salystyrǵanda, óndirýshiler baǵasynyń ósimi 8,9%, bólshek saýdada 22% qurady.