Qazaqstanda 3,5 mln adam ekonomıkanyń ónimdiligi tómen sektorlarynda jumys isteıdi
«Eńbek naryǵyna aǵymdaǵy taldaý búginde suranys tarapynan eńbek ónimdiligin arttyrýǵa jáne ekonomıkanyń ónimdiligi joǵary sektorlaryna múmkindik bar ekendigin kórsetip otyr. Buǵan mynalar dálel. Birinshiden, búginde jumyspen qamtylǵandardyń 40 paıyzy nemese 3,5 mln adam ekonomıkanyń ónimdiligi tómen sektorlarynda jumys isteıdi. Bul salalardyń tıisinshe jalaqysy da tómen. Osy salalarda eńbek ónimdiligin arttyrýǵa jáne jumyskerlerdi ekonomıkanyń ónimdiligi tómen sektorlaryna ónimdiligi barynsha joǵary sektorlaryna aýysýyn qamtamasyz etýge múmkin bar ekendigin bildiredi», - dedi vıtse-mınıstr Májiliste jumyskerlerdi qaıta oqytý jáne olardyń daǵdylaryn turaqty jetildirý jónindegi jańa tásilderge arnalǵan dóńgelek ústel otyrysy barysynda.
Ekinshiden, onyń atap ótýinshe, eńbek naryǵynda qosymsha suranys bar.
«Ekonomıkalyq yntymaqtastyq jáne damý uıymyna múshe elderde jumys oryndaryn qurý jónindegi kórsetkish 1 kishi kásiporynǵa 7,6 jumys ornyn qurý arqyly qol jetkizý jol qoıylǵan. Al bizdiń kórsetkish 2,5 jumys orny nemese 3 ese tómen. Bizdiń kishi kásiporyndarda jumys orny az qamtylǵan nemese bul kelisimshart jasamaı, zańsyz túrde júrgizilip jatyr. Úshinshiden, EYDU baǵalaýyna sáıkes, Qazaqstandaǵy jumys oryndarynyń 52 paıyzy avtomattandyrý táýekeline dýshar. Demek, jumys oryndary barynsha tehnologııaly jáne ónimdi bolady», - dedi ol.
Vıtse-mınıstr tórtinshiden, búginde jumys oryndarynyń qurylymy ózgerip jatqanyn aıtady.
«Tolyq jumyspen qamtylý, jaldaý boıynsha dástúrli jumys qysqarýda. EYDU-ǵa múshe elderdiń ortasha eseppen jumyspen qamtylǵandardyń 17 paıyzy jumyspen qamtýdyń ıkemdi nysandary boıynsha jumys isteýge, jumys ornyna jáne jumys ýaqytyna táýeldi emes. Bizdiń kórsetkish 5 paıyz nemese 3 ese az», - dedi Erjan Birjanov.