Qazaqstanda 3-5 mamyr aralyǵynda kún sýytady
NUR-SULTAN. QazAqparat – Mamyrdyń 3-5 aralyǵynda Qazaqstannyń basym bóliginde kún sýytyp, jaýyn jaýady, naızaǵaı oınaıdy. Bul týraly QazAqparat «Qazgıdromet» RMK-nyń baspasóz qyzmetine silteme jasap habarlaıdy.
«Eldiń batysynda aýa temperatýrasynyń tómendeýine yqpal etken soltústik-batys antıtsıklony eldiń soltústik- batys, soltústik, ortalyq óńirlerine qaraı oıysa beredi. Bul aımaqta termometr baǵany túnde -6 gradýsqa deıin tómendep, Qaraǵandy oblysyyń ońtústiginde -10-15 gradýs, kúndiz 7-23 gradýs jyly bolady. Túnde jáne tań ata tuman túsedi.
Qazaqstannyń ońtústik jartysynda Ońtústik tsıklonynyń yqpalymen jaýyn jaýyp, keı jerlerde nóserletip, naızaǵaı oınap, burshaq jaýady, jel kúsheıip, jyldamdyǵy sekýndyna 15-20 metrge, ekpini 23-28 metrge jetedi. Ob aýmaǵynan keletin tsıklonnyń yqpalymen kún qubylmaly bolady. Soǵan qaraı jaýyn jaýyp, naızaǵaı oınaıdy, jeldiń jyldamdyǵy sekýndyna 15-20 gradýsqa deıin jetedi. Jalpy alǵanda respýblıkasynń basym bóliginde aýa temperatýrasynyń aıtarlyqtaı tómendeýine qaramastan mamyr aıynyń basynda kún azdap jylyna túsedi. Apta sońynda temperatýra 13-25 gradýsqa deıin jylıdy. Eldiń ońtústigi men ońtústik shyǵysynda aýa temperatýrasynda aıtarlyqtaı ózgeris bolmaıdy»,-delingen habarlamada.
