Qazaqstanda 3,2 mln astam jumyskerdiń ómiri saqtandyrylǵan

ASTANA. QazAqparat - 2023 jylǵy 1 tamyzdaǵy jaǵdaı boıynsha Qazaqstanda 3,2 mln-nan astam jumysker óndiristegi jazataıym oqıǵalardan saqtandyrylǵan, dep habarlaıdy QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

Bspasóz qyzmetiniń málimetterine qaraǵanda, óndiristegi jazataıym oqıǵa kezindegi azamattardyń áleýmettik quqyqtaryn qorǵaýdy iske asyratyn tıisti sharttar kásiporyndardyń 53,1 paıyzynda jasalǵan.

QR Premer-Mınıstriniń orynbasary – Eńbek jáne halyqty áleýmettik qorǵaý mınıstri Tamara Dúısenovanyń osy baǵyttaǵy jumysty kúsheıtý týraly tapsyrmasyna sáıkes óńirlerdiń memlekettik eńbek ınspektorlary jumys berýshilerge eńbek zańnamasynyń talaptaryn saqtaý qajettiligi týraly 125 myńnan astam habarlama joldady.

Tıisti sharttardyń bolmaýy osy kásiporyndardy tıisti tekserýler júrgizý úshin profılaktıkalyq baqylaý tizimderine avtomatty túrde qosý úshin negiz bolady.

«QR Eńbek kodeksine sáıkes jumys berýshi qyzmetkerdi eńbek mindetterin oryndaý kezinde jazataıym oqıǵalardan saqtandyrýǵa mindetti ekenin esterińizge sala keteıik. Bul baǵyttaǵy jumystar jalǵasýda»,-delingen habarlamada.

Osyǵan deıin Qaraǵandy oblysyndaǵy «Qazaqstan» shahtasynda órt bolyp, 5 kenshiniń qaza tapqanyn jazdyq.

Prezıdent Qasym-Jomart Toqaev órt sebebin anyqtaý úshin jan-jaqty tergeý júrgizýdi tapsyrdy.