Qazaqstanda 29 qazanda ótetin mańyzdy sharalarǵa sholý
NUR-SULTAN
10.00-de QR Memlekettik hatshysy Qyrymbek Kósherbaev jáne Bilim jáne ǵylym mınıstri Ashat Aımaǵambetov L.N. Gýmılev atyndaǵy Eýrazııa ulttyq ýnıversıtetine barady.
10.20-da QR Parlamenti Senatynda Ekonomıkalyq saıasat, ınnovatsııalyq damý jáne kásipkerlik komıtetiniń «Memlekettik qyzmet kórsetý máseleleri boıynsha QR keıbir zańdaryna ózgerister men tolyqtyrýlar engizý týraly» keńeıtilgen otyrysy ótedi.
11.00-de Kásipodaqtar federatsııasynda «Yntymaq» shaǵyn jáne orta bıznes kásipkerleri odaǵy men «Citylife» halyqaralyq kompanııasy arasynda yntymaqtastyq týraly memorandýmǵa qol qoıylady.
14.30-da Nazarbaev Ýnıversıtetinde ziltemirshi, Olımpıada chempıony Anatolıı Hrapatyıdy eske alýǵa arnalǵan aýyr atletıkadan respýblıkalyq týrnır ashylady.
15.00-de Nazarbaev Ýnıversıtetinde Qazaqstan halqy Assambleıasynyń «Social Assembly» respýblıkalyq jastar forýmy ótedi.
15.00-de «Dostyq úıinde» «Astana - adaldyq alańy» jobalyq keńsesi aıasynda «Jol ústindegi qaýipsizdik máseleleri» taqyrybynda dóńgelek ústel ótedi.
15.00-de QR Ulttyq akademııalyq kitaphanasynda Z.Naýryzbaeva men L.Kalaýstyń «Batý men onyń Barsakelmes elindegi dostarynyń oqıǵalary» kitabynyń tusaýkeseri ótedi.
16.00-de Úkimet úıinde kezekti Úkimet otyrysy ótedi. Otyrysta jańartylatyn energııa kózderin damytý máseleleri, Nátıjeli jumyspen qamtýdy jáne jappaı kásipkerlikti damytýdyń 2017–2021 jyldarǵa arnalǵan memlekettik baǵdarlamasyn iske asyrý barysy talqylanady.
19.00-de «Naz» memlekettik bı teatrynda «Jıyrma jyldyq bı ǵumyr» atty mereıtoılyq kontsert ótedi.
ALMATY
10.00-de «Qazaqstan» qonaq úıinde «II Ortalyq Azııa dıalogy: Túrmedegi turǵyndardyń sanyn azaıtý jáne probatsııa qyzmetin damytý» halyqaralyq konferentsııasy ótedi. Oǵan túrme qyzmetteri ókilderi, múddeli memlekettik organdar, halyqaralyq uıym ókilderi men sarapshylar qatysady.
11.00-de QR Ulttyq kitaphanasynda «Jańarý» sybaılas jemqorlyqqa qarsy ulttyq qozǵalysynyń Almaty qalalyq fılıaly «Joǵary quqyqtyq mádenıet - qoǵamdaǵy sybaılas jemqorlyqty azaıtýdyń basty sharty» taqyrybynda dóńgelek ústel ótkizedi.
12.00-de «Spartak» stadıonynda Muhtar Áýezov atyndaǵy kýbok úshin ardagerler men jastar arasynda Halyqaralyq fýtbol týrnıri ótedi.
19.00-de Yqylas atyndaǵy halyqtyq mýzykalyq aspaptar mýzeıinde «Altyn qalam 2019» baıqaýynyń jeńimpazdaryn marapattaý rásimi ótedi.