Qazaqstanda 28 tamyzda naızaǵaı oınap, burshaq jaýady: Qazgıdromet eskertý jasady

Astanada keı ýaqytta jańbyr jaýyp, naızaǵaı oınaıdy. Kúndiz burshaq jaýýy múmkin. Soltústik-batystan, soltústikten soǵatyn jeldiń jyldamdyǵy sekýndyna 9–14 metr, kúndiz ekpini 15–20 metrge jetedi.

Aqmola oblysynda túnde jańbyr jaýyp, naızaǵaı oınaıdy. Soltústigi men shyǵysynda qatty jańbyr jaýady. Kúndiz soltústigi, shyǵysy men ońtústiginde jańbyr jaýyp, naızaǵaı oınaıdy, burshaq túsedi. Batysy men soltústiginde túnde jáne tańerteń tuman kútiledi. Soltústik-batystan, soltústikten soǵatyn jeldiń batysy, ońtústigi men shyǵysynda ekpini 15–20 m/s bolady.

Almaty oblysynda jel soltústik-shyǵystan, shyǵystan soǵady. Kúndiz ońtústigi men taýly aýdandarynda jeldiń ekpini 18 m/s-qa jetedi. Aýa temperatýrasy 35 gradýsqa deıin kóteriledi. Oblystyń ortalyǵy, batysy men shyǵysynda tótenshe órt qaýpi saqtalady.

Jetisý oblysynda Alakól kólderi aýdanynda soltústik-batystan soǵatyn jeldiń ekpini 15–20 m/s bolady. Kúndiz aýa temperatýrasy 35 gradýsqa deıin kóteriledi. Oblystyń ortalyǵy, ońtústigi men shyǵysynda tótenshe órt qaýpi saqtalady.

Qaraǵandy oblysynyń soltústigi men shyǵysynda túnde azdaǵan jańbyr jaýyp, naızaǵaı oınaıdy. Kúndiz soltústiginde jańbyr jaýyp, naızaǵaı oınaıdy, burshaq túsedi. Soltústigi men shyǵysynda túnde jáne tańerteń tuman bolady. Jel ońtústikten soltústik-batysqa aýysady. Kúndiz soltústiginde jeldiń ekpini 15 m/s-qa jetedi. Ońtústiginde tótenshe, batysynda joǵary órt qaýpi saqtalady.

Ulytaý oblysynda jel ońtústikten soltústik-batysqa aýysady. Kúndiz soltústigi, shyǵysy men ortalyǵynda jeldiń ekpini 15–20 m/s bolady. Oblysta tótenshe órt qaýpi saqtalady.

Aqtóbe oblysynyń ortalyǵy men soltústik-shyǵysynda joǵary órt qaýpi bar. Oblys boıynsha tótenshe órt qaýpi saqtalady.

Mańǵystaý oblysynyń soltústik-batysy men ortalyǵynda azdaǵan jańbyr jaýyp, naızaǵaı oınaıdy. Jel soltústikten, soltústik-shyǵystan soǵady. Soltústik-batysy men ońtústiginde jeldiń ekpini 15–20 m/s-qa jetedi. Batysy men soltústiginde tótenshe, ortalyǵynda joǵary órt qaýpi saqtalady.

Batys Qazaqstan oblysynda tótenshe órt qaýpi saqtalady. Soltústik-batysynda joǵary órt qaýpi bar.

Jambyl oblysynyń taýly aýdandarynda soltústik-batystan soǵatyn jeldiń ekpini 15–20 m/s-qa jetedi. Oblysta tótenshe órt qaýpi saqtalady.

Qyzylorda oblysynyń ortalyǵynda shańdy daýyl kútiledi. Soltústik-batystan soǵatyn jeldiń kúndizgi ekpini 15–20 m/s bolady. Oblys boıynsha tótenshe órt qaýpi saqtalady.

Qostanaı oblysynyń shyǵysy men soltústik-shyǵysynda jańbyr jaýyp, naızaǵaı oınaıdy. Batysy men soltústik-batysynda azdaǵan jańbyr jaýyp, naızaǵaı bolady. Batysy men soltústiginde túnde jáne tańerteń tuman túsedi. Soltústikten soǵatyn jeldiń ońtústigi men shyǵysyndaǵy kúndizgi ekpini 15–20 m/s bolady. Soltústik-batysy men shyǵysynda joǵary, ońtústigi, ońtústik-shyǵysy men ortalyǵynda tótenshe órt qaýpi saqtalady.

Soltústik Qazaqstan oblysynda túnde jańbyr jaýyp, naızaǵaı oınaıdy. Soltústigi, shyǵysy men ońtústiginde burshaq túsip, daýyl turady. Kúndiz atalǵan aýdandarda jańbyr, naızaǵaı, burshaq jáne daýyl kútiledi. Ońtústiginde túnde jáne tańerteń tuman bolady. Soltústik-batystan soǵatyn jeldiń soltústigi, shyǵysy men ońtústigindegi ekpini 15–20 m/s-qa jetedi.

Atyraý oblysynda tótenshe órt qaýpi saqtalady.

Pavlodar oblysynyń batysy men soltústiginde túnde, al batysy, shyǵysy men ortalyǵynda kúndiz jańbyr jaýyp, naızaǵaı oınaıdy. Jel ońtústikten soltústik-batysqa aýysady. Kúndiz shyǵysynda jeldiń ekpini 15–20 m/s bolady.

Shyǵys Qazaqstan oblysynyń soltústigi men shyǵysynda túnde jáne tańerteń tuman túsedi. Jel shyǵystan, ońtústik-shyǵystan soǵady. Kúndiz ońtústik-shyǵysynda jeldiń ekpini 15–18 m/s bolady.

Abaı oblysynyń shyǵysynda túnde jáne tańerteń tuman kútiledi. Ońtústik-batysynda tótenshe órt qaýpi saqtalady.

Osyǵan deıin Almaty mańyndaǵy taýda iri tastar qulaǵany týraly jazdyq.