Qazaqstanda 28 myńǵa jýyq úkimettik emes uıym bar

rong> Qarashanyń  6-sy. QazAqparat /Erlik Erjanuly/ - Qazaqstanda qazirgi tańda keıbir derekterge qaraǵanda, 25-28 myń aralyǵynda úkimettik emes uıym bar. Bul týraly búgin Almatyda ótip jatqan «Qazaqstan Respýblıkasyndaǵy azamattyq qoǵam: ahýaly men bolashaǵy» dep atalatyn halyqaralyq konferentsııada aıtyldy,

 dep habarlaıdy QazAqparat.

«Elimizdiń dinge senýshilerdiń 40 dinı konfessııasy boıynsha - 4 365 uıym, al saıası júıede 13 partııa bar. Úkimettik emes uıymdar sany jyl saıyn ulǵaıyp kele jatyr. Prezıdent aıtqandaı, eldiń básekege qabilettiginiń negizi azamattyq qoǵam bolýy kerek. Táýelsizdiktiń 18 jylynda jańa memleket, jańa ekonomıka ǵana qurylǵan joq, bul kezeńde demokratııa damyp, azamattyq qoǵam qalyptasty. Bul úrdisterdiń bir-birimen tyǵyz  baılanysy bar», deıdi QR Tuńǵysh Prezıdenti qorynyń atqarýshy dırektory Bektas Muhamedjanov.

Onyń aıtýynsha, demokratııalyq ınstıtýtsııalandyrý úrdisi halyqtyń áleýmettik jumylý úrdisinen alda kele jatyr.  Bul eldegi azamattyq qoǵamnyń jetkiliksizdiginiń saldary deýge bolady. Búgingi konferentsııanyń basty maqsaty - ózara pikir almasyp, azamattyq qoǵamdaǵy qazirgi aǵymdardy talqylaý. Oǵan sheteldik jáne otandyq sarapshylar, úkimettik emes uıymdar men halyqaralyq dıplomatııalyq  ókildikterdiń ýákilderi qatysýda.