Qazaqstanda 28 qyrkúıekte ótetin mańyzdy sharalar

NUR-SULTAN

Saǵat 09.00-de «Han Shatyr» saýda ortalyǵynyń janynda Shyǵys Qazaqstan oblysy taýar óndirýshileriniń qatysýymen aýylsharýashylyq jármeńkesi ótedi.

Saǵat 09.30-da Nur Sultan Oqýshylar saraıynda X Respýblıkalyq «WIR SIND ZUSAMMEN-2019» festıvaliniń gala-kontserti ótedi.

Saǵat 12.00-de elordalyq Dostyq úıinde Qazaqstan halqy Assambleıasy «Qazaqtaný» jobasyn júzege asyrý maqsatynda Nur-Sultan qalasy etnomádenı birlestikteriniń ókilderi arasynda «Qazaqtyń ulttyq murasy» atty baıqaý ótkizedi.

Saǵat 18.00-de «QAZAQSTAN» OKZ kameralyq zalynda halyqaralyq baıqaýlardyń laýreaty, «Forte Trio» memlekettik trıosynyń solısi Dınara Bazarbaeva-Sahamannyń kontserti ótedi.

ALMATY

Saǵat 11.00-de «Saryarqa» kınoteatrynda áıelder quqyǵyna arnalǵan mıtıng ótedi. Áıelder men boıjetkender dıskrımınatsııa, teńsizdik pen áıelderge degen zorlyq-zombylyq máselelerin kótermek.

Saǵat 12.30-da «Almaty Arenada» Coke'N'Music festıvaline arnalǵan baspasóz máslıhaty ótedi.